Dán vahkku álggii dán dálvvi stuorimus buvttadusbargu, namalassii Guovžža vuoššat teáhterčájálmas, mii galgá čájehuvvot muohtagis loahpageahčen guovvamánu. Lea dieđusge Mikael Niemi beakkánis girji seamma namas mii lea vuođđun. Leif Stinnerbom galgá bagadit ja ovttas ea ea čájálmasa 10 neavttáriiguin, lea dal dát ilbmanišgoahtán.
Dán vahkku álggii duođai bargu buvttadit dan mii teáhterii šaddá dán dálvvi stuorimus buvttadus, namalassii olgočájálmas Guovžža vuoššat. Loahpageahčen guovvamánu rájes galgá bájillačča Mikael Niemi gelddolaš, erenoamáš bures árvvoštallojuvvon ja beakkánis girji, geahččaluvvot teáhterhámis olgun muohtagis. Ja dát mii lea oaidnimis vuosttaš geardde guovvamánu 26. B., leat dal bagadalli ja dramatihkar Leif Stinnerbom ovttas ea ea čájálmasa logi neavttáriiguin, álgán hábmet. Dán sii barget vugiin mii eatnasiidda lea ođas ja amas dakkár oktavuođain.
Teáhter buvttaduvvo neahtas
Dan botta go eanas neavttárat leat sáhttán vaikko vel dán koránaáiggis boahtit teáhterii ja Guovdageidnui buvttadusálggaheapmái mii lea dán vahkku, de ferte bagadalli ovttas ovtta čájálmasa neavttárin, leahkit ruovttus Ruoŧas. Muhto ii dát hehte buvttadusálggu. Neahttačovdosiiguin čađahuvvojit ja čovdojuvvojit sihke mánuslohkamat ja muđui buvttadusguoski áššit. Buohkat geat dal leat dárkilit mánusin oahpásnuvvame, čohkkájit dihtoriin, maiddái sii geat leat Guovdageainnus. Buoremus vuohki lea aŋkke bargat nu mot lávejit ge bargat dakkár bargguin, deaivvadit ja njunis njunnái ráhkadit teáhtera. Dan sii dieđusge fertejit bargat, oktii čájálmasbuvttadusáiggis.
Neahtas muohttagii
Guovžža vuoššat čájálmasas lea álgočájálmas guovvamánu 26. B., olgun Guovdageainnu gilišiljus, lávddis muohttagis. Nu maid boahtá čájálmas leahkit oaidnimis go čájehuvvo Kárášjogas, Álttás, Deanus ja Romssas, vahkkoloahpaid maŋŋel álgočájálmas vahkkoloahpa ruovttus Guovdageainnus, olgoáimmus. Dá oaidnit dás vuolábeale oasi buvttadusjoavkkus, álgočájálmasbáikkis, báikki maid buvttadus áinnas oainnašii leamen eanet dálvái go dal lea.
Eanet dieđut Guovžža vuoššat birra.
