Vuosttaš sámegielat Pippi čájálmas obanassiige čájehuvvui vuohččan, dát dáhpáhuvai Guovdageainnus bear. 5.10. kulturviesus mii lei dievva. Lei álki vuohttit ahte olbmot liikoje bures vuosttaščájálmasa.
Bear. 5.10. čájehuvvui vuosttaš sámegielat Pippi teáhterlávddis. Vuosttaščájálmas dán vuosttaš sámegielat Pippi Langstrømpe bihtás, dahje Nallesuohkku, lei kulturviesus Guovdageainnus. Lea Sámi Našunálateáhter Beaivváš gii lea ožžon gutnii čájehit vuosttaš sámegielat Pippi čájálmasa obanassiige.
Kulturviessu lei áibbas dievva, olbmot návddašedje ja illudedje. Video dás vuolábeale čájeha gehččiid vuostáiváldima. Dán bokte lea maid vuosttaš geardde go Elle Sofe Sara bagada teáhterčájálmasa. Dáppe leat eanet dieđut čájálmasa birra. Ja dáppe fas gávnnat eará čájálmasa maidda sáhtát oastit bileahta.