Čájálmasa prográmmabláđđi (sámi- ja dárogillii, lassi dieđut čájálmasa birra, ollislaš krediteren, čájálmasmátki jna.)
Lei hui dábálaš beaivi. Tommi ja Annika golahallába áiggi gilvvagárddis. De soai fuobmába ahte muhtin lea fárren ránnjávissui Villa Villekullái. Dat lea Pippi Nallesuohku, son guhte lea máilmmi gievrramus nieiddaš. Tommi ja Annika šaddaba Pippii buoremus olbmát. Beaivvit eai lean šat ovttaláganat dan rájes go Pippi bođii.
Pippi ii čuovo min dábálaš norpmaid ja njuolggadusaid, son fuomášuhttá baicca ođđa čalmmiiguin midjiide máilmmi hearvásvuođa. Diehttelasat sáhttá fierrut bihpporgáhkuid láhttis, ja botkohit sohkkariid láhttái, gearddi go juo lea namma botkohansohkkarat. Ja diehttelasat šaddá maid mihá somábun bassát, dat lea dušše go mii eat fuobmán dan ovdal go Pippi čájehii.
- Čálli: Astrid Lindgren
- Dramatiseren: Johan Gille
- Musihkka: Georg Riedel /Jan Johansson
- Bagadalli: Elle Sofe Sara
- Goziheaddji: Rawdna Carita Eira.
- Davvisámegillii jorgalan: Britt-Inga Vars
- Neavttárat: Pippi: Marte Fjellheim Sarre, Tommi: Sarakka Gaup, Annika: Anja Bongo Bjørnstad, Nieida Prusseluska/Blom: Anitta Suikkari, Skálla/Oahpaheaddji/Hr Nilsson: Mary Sarre, Skilla/Hr Nilsson: Nils Henrik Buljo, Bávkkanas-Karlsson/Mátrosa/Hr Nilsson: Áilloš, Pippi áhčči/Ájján: Egil Keskitalo
Vuosttaščájálmas: golggotmánu 5.b. – 5. oktober 2018, Guovdageainnu kulturviesus. Čájálmas bistá sullii 70 min. Saltkråkan eaiggáda ja hálddaša buot rivttiid Astrid Lindgrena ja su girjjiid oktavuođas.
Áššit čállon beaivvas.no
14.08.2018 Marte lea Pippi Nallesuohkku
24.09.2018 Álgá Pippiin
05.10.2018 Pippi bures vuostáiváldon
09.10.2018 Bivnnuhis Pippi
Preassagovat
Govvejeaddji Per Heimly, krediteren gáibiduvvo preassageavaheamis, eará geavaheamis gáibiduvvo maiddái lohpi teátheris.
