Ráhkisvuohtamuitalaus ja psykologalaš drámá oktanagas! Diekkár seaguhus lea oaidnimis Beaivváža lávddis go dal hui fargga lea Bohto dál dat beana čájálmasas vuosttaščájálmas.

Nils Henrik Buljo, Egil Keskitalo, Bohtos dal dat beana. Govven/foto Andreas Ausland

Bohtos dál dat beana lea ráhkisvuođamuitalus muhtin olbmá ja su beatnaga birra, mávssaheami ja mášohis vuordima. “Beana báhččon, logan, ja oainnán su čuožžume ja guovlá vulos. Ii beana sáhte leat báhččon, beatnagiid ii sáhte goddit. Son lohka beana lea báhččon, muhtin lea goddán dan. Son lea báhčán beatnaga ja son galgá jápmit. Dán eahkeda galgá son jápmit.”

Sámi Našunálateáhter Beaivváš álggaha ođđa teáhterjagi Jon Fosse bihtáin “Bohtos dál dat beana” mas lea vuosttaščájálmas Guovdageainnus ođđajagemánu 27. beaivvi.

Čájálmasas muitaluvvo muhtin dievddu birra gii eallá okto iežas beatnagiin. Dáhpáhusaid leat heivehan muhtin mearrasámegilážii. Muitalusas vuhtto dievddu ja su beatnagis hui garra ráhkisvuohta ja oktavuohta, muhto álggu rájes rievdá dilli ja váttisvuođat čuožžilit. Jon Fosse čállá psykologalaš drámá, ja juohká dakko bokte dievddu jurdagiid ja dovdduid dan roassodilis go dievddu leahkin orro mannamin endorii.    

Bihtá bagadalli lea Västanå Teatera hoavda Leif Stinnerbom, gii maid lea heivehan teavstta min čájálmasas, ja bihtá neavttárat leat Egil Keskitalo, Nils Henrik Buljo og Iŋgor Ántte Áilu Gaup.

Eambbo dieđut Bohtos dál dat beana birra