Njukčamánu 16. B. bijai Beaivváš luovos Roahttobivdi mánáidgárddiide Guovdageainnus. Eará sániin, Egil Keskitalo čájehii vuohččan klassihkalaš ja dovddus máidnasa Hamelna Roahttobivdi sámegillii, na goit muitalusteáhter veršuvnnas. Maŋŋel ávvuduvvui dát sáfttain ja gáfiin. Ja roahttogáhkuin.
Njukčamánu 16. B. čájehii Sámi Našunálateáhter vuohččan klassihkalaš máidnasa Hamelna Roahttobivdi teáhterveršuvnnas, Gártnetluohká mánáidgárddis, na goit muitalusteáhter veršuvnnas. Máinnasskábe vehkiin ja skábe unnit ja stuorit effeavttaiguin muitalii neavttár Egil Keskitalo dát mii árvideames lea vuosttaš sámi veršuvdna dán dovddus máidnasis, na goit muitalusteáhter veršuvnnas.
Maŋŋel gelddolaš vuosttaščájálmasa ja máinnasbottu buollái dieđusge feasta, gos mánát, Roahttobivdi ieš, bargit ja guossit muđui ožžo guossohuvvot sihke sáfta, gáfe ja iešguđege roahttogáhkuid.
Na raporterejedje sámi mediat dán dáhpáhusa, NRK Sápmi ja Ávvir.
Mánáidgárdi guossohii vuosttaščájálmasa oktavuođas ea. ea. gáhku ja gáhkuid hervejuvvon roahttofiguvrraiguin. Teáhterhoavda Rolf Degerlund ja Guovdageainnu suohkan mánáidgárddiid jođiheaddji Britt Ørnebakk beasaiga máistit gáhku álggus (govva das vuolábealde).
Mátki
Egil ja su máinnasskábe lea maŋŋel vuosttaščájálmasa finadan smávit mátkkis Guovdageainnus, lea finadan dieid moadde beaivvi maŋŋel 16. B., Ájastealli, Bálgá, Beazedievvá, Gáhkkorčoru ja Nuortamieli mánáidgárddiin. Dal plánejuvvo vuosttaš vuorus smávit mátkki sámi mánáidgárddiin, dal ovdal geasi. Teáhter lea maid ohcan mátkkoštan ovttasbarggu Kultuvrralaš Skuvlalávkkiin, go de teáhter sávvá beassat fitnat guossis mánáidskuvllain ja čájehit čájálmasa unnimusaide diein skuvllain, dá it šatta molssaevttolaččat ovdalgo skuvlajagi 2016-2017.
Dás leat eanet dieđut čájálmasa birra, ja maiddái preassagovat.