Beaivváš Sámi Našunálateáhtera stivra virgáibijai ikte duor. 4.12. Rolf Degerlund ođđa teáhterhoavdan Beaivvážis. Son joatká go dalá hoavda Haukur J. Gunnarsson guođđá Beaivváža ođđajagimánu 1. B., 2016is ja galgá de doaibmat 4 jahkedoaimma (åremål).
Beaivváš Sámi Našunálateáhtera stivra virgáibijai ikte duor. 4.12. Rolf Degerlund ođđa teáhterhoavdan Beaivvážis. Son joatká go dalá hoavda Haukur J. Gunnarsson guođđá Beaivváža ođđajagimánu 1. B., 2016is ja galgá de doaibmat 4 jahkedoaimma (åremål). Stivra lea ovdal, virgáibidjanbarggus, dadjan ahte buohkat geat ledje ohcan virggi dollet buorre dási, muhto lei Rolf Degerlund, Bodenis Ruoŧabeal eret, gii jovssai guhkimus. Stivrra jođiheaddji Lene Hansen kommentere na Degerlunda virgáibidjama:
– Mii illosit go leat beassan virgáibidjat teáhterhoavddavirgái olbmo gii dovdá bures ja mas lea gelbbolašvuohta teáhterdoaimmas. Rolf Degerlundas lea nanu filbma ja teáhter duogáš ja son lei guovddažis go Norbottens teater huksejuvvui, go son lei dalle teáhterhoavda Lulejus 13 jagi. Son áŋgirušai ja huksii Ice Globe Theatre Čohkkirasas, Gironis, mii vásihii máilmmiviidosaš beroštumi rahpančájálmasain, mii lei Hamlet sámegillii, na juste ovttas Beaivvážin fal. Lea stuora jáhkku ahte son su máhtuin nagoda bures doaimmahit ja nannet Beaivváža ovddasguvlui.
Rolf Degerlund lea neaktán máŋgga dovddus filmmain, ea. ea. ruoŧabeale filmmain Jägerna ja Varg ja sus lea govda fierpmádat sihke davviriikkalaččat muhto maid gaskariikkalaččat. Maŋemus go lei Beaivvážis son lei neavttár “1852” čájálmasas, 2008/2009, dalle son nevttii gávpeolbmá Carl Johan Ruth. Das govas bajábealde lea son ovttas miel-neavttáriiguin dien čájálmasas ja das govas vuolábealde fas seamma čájálmasas, ovttas beakkán Bjørn Sundquist, mii maiddái nevttii namuhuvvon Beaivváš-čájálmasas (govven Marit Anna Evanger).
Eará ohccit teáhterhoavdda virgái ledje:
Frank Jørstad , Oslo
Harriet Nordlund, Bromma, Sverige
Sara Margrethe Oskal, Guovdageaidnu
