Sapmi muitala, Marte Fjellheim Sarre

Almmuhit háhkanprošeavtta gos Sámi Našunálateáhter ohcagoahtá dramatihkkáriid ja ođđa muitalusaid Sámis. Teáhter dárbbaša ođđa lávdedeavsttaid sámegillii dahje deavsttaid main leat sámi guoskevašvuođat. Teáhter almmuha gilvvohallama gos golbma dramatihkkara besset čállit mánusa ovttas dramaturgain/neavttáriiguin/mentorin njealje vahkkoloahpa deaivvademis 2022/23 áigodagas. Dáid lávdeteavsttaid válljet ja buvttadit álgočájálmassan teáhtera ođđa visttis 2024:s.

Ulbmil dáinna lea ovddidit ođđa sámi dramatihka, ja ahte buvttášii ođđa oainnu Sápmái. Leat go dus buorit jurdagat? Don leat bures boahtin synopsisa dahje čoahkkáigeaso sáddet sisa oktan guvttiin, golmmain gárvves osiid giehtačállosis.  Áigemearri: 5.8.22. Ovttasbargu Sámi Našunálateáhter Beaivváš (SNTB) ja Dramatikkens hus.

Dasto vállje jury njeallje giehtačálusárvalusa maiguin mii bargat viidáseabbo ovttasráđiid Dramatikkens hus Oslos. Jus du teaksta válljejuvvo, de oaččut 20 000 ruvdnosaš stipeandda. Don beasat oasálastit 4 vahkkoloahpa deaivvademiin 2023:s, ja ovttasbargat neavttáriiguin, bagadalliiguin ja dramaturgaiguin, geat geahččaladdet dan. Čálidettiin oaččot fágalaš čuovvoleami. Almmuheamis lea rabas šáŋŋer ja sáhtát čállit iežat gillii nugo; visot sámi gielaide, dárogillii, ruoŧagillii dahje suomagillii. Jus SNTB vállje buvttadit du teavstta čájálmassan, de šaddá bihttá muhtin daid sámi gielaide.

  • Fiilaformáhta: Word/PDF
  • E-poasta: beaivvas@beaivvas.no
  • Boastačujuhus: Sámi Našunálateáhter Beaivváš, Bredbuktnesveien 50, 9522 Guovdageaidnu
  • Merkes konvoluhta: Sápmi muitala

Eanet dieđut, váldde oktavuođa:

  • Rawdna Carita Eira mob. 99037726
  • Mette Brantzeg mob. 97054050
  • Line Rosvoll mob. 90054271

Divtte iežat fillejuvvot searvat!