Sámi Našunálateáhter lea fas oaidnimis lávddiin olggobealde Beaivváža váldoguovlluin. Árrat juovlamánus lávkesta “Mun lean Inanna” čájálmas lávdái gaskariikkalaš teáhterfestiválas Chittagongas, Bangladeshas.
Sámi Našunálateáhtera váldoguovlu lea Davvikalohtta oktan Davvi-Trøndelága ja Oslo. Muhto teáhter johttá muhtin háve dobbelii, nu mot dal, go Sámi Našunálateáhter lea bovdejuvvon gaskariikkalaš teáhterfestiválai Chittagongas, Bangladeshas, juovlamánu álggogeahčen. Teáhter lea de válljen fállat ja čájehit “Mun lean Inanna” čájálmasas festiválas, mii bistá skábmamánu loahpageahčen gitta juovlamánu 5. B. rádjai. Govva das bajábealde lea “Mun lean Inanna” čájálmasas (govven: Aslak Mikal Mienna).
Teáhter lea oalle aitto fitnan Láhten-Amerihkás, seamma čájálmasain. Teáhter lea maid ovdalaš dán jagi fitnan St. Petersburgas, Ruoššas ja Tokyos, Japánas, muhto de ovdabarggubuvttadusain “Áillohaš – Auringon poika/Beaivvi bárdni”. Mátkkit olggobealde váldoguovllu lea teáhtera ulbmilparagráfa miela miel, paragráfa mii ea. ea. dadjá ahte Beaivváš galgá johtit máilmmis čalmmustahttin dihte sámi kultuvrra gaskariikkalaččat. Govva dáš vuolábealde lea “Áillohaš – Beaivvi bárdni” čájálmasas (govven: Nico Bäckström).
Dá lea “Áillohaš – Beaivvi bárdni”
