Diibmá deaivvadedje Beaivváš, Dimitri joavku ja Kulturskuvlla mánáidkoarra, daid áiggiid, ja čájehedje Skábmačuovggas čájálmasa vuosttaš geardde. Dal de fas leat čoagganan, ja de leat ge mii earát hui fargga gearggus geahččat go lávlun, muitalusat, luođit ja eará fas gullojit ja oidnojit lávdde alde Kulturviesus.

Čájálmas čájehuvvo guktii, disdaga 15.12. ja gaskkavahkku 16.12., goappašat beaivve dii. 19.00, Kulturviesus.

 Čájálmas lea moddjái ja liekkus – leat árbevirolaš juovlalávlagat, leat muitalusat, neaktin ja čájálmas heive buohkaide.

Buot bileahttadienas manna Mama Sara Education Foundation, ruhtadit masai skuvlavisttiprošeavtta Tanzanias.