Dan jagi Skábmačuovggas čájálmasas lei kulturskuvlla lávlunjoavku guovddažis, go vel almmuhedje CD skearru. Daid guokte beaivve go čájálmas čájehuvvui (15.12 ja 16.12.) jođihedje sii olles 300 skearru. Ovttas Beaivváža guovtti neavttárin ja Dimitri joavkkuin dagai lávlunjoavku fiinna ovdal-juovllaid vásáhusa sullii 300 gehččiide, geat ledje boahtán geahččat čájálmasa. Goappašat eahkeda lei visti dievva. Lávlunjoavkku dirigeanta ja jođiheaddji sáhti maŋŋel čájálmasa muitalit ahte sihke son ja mánát ledje hui duhtavažžat čájálmasain ja CD almmuheami. Buot prentejuvvon 1000 CDa leat jo measta buot vuvdon.

Ovdalaš ášši dán birra:

09.12.2010 Skábmačuovggas 2010

Mama Sara oaččui bileahttadietnasa

Čájálmasas searvvai maiddái Mama Sara Education Foundation vuođđudeaddji Gunhild B. Sara Buljo. Dát organisašuvdna oaččui maiddái dán jagi buot čájálmasa bileahttadietnasa skuvlavistiprošektii mii sis lea Tanzanias masaiaid luhtte. Prošeakta kontu devdojuvvui Skábmačuovggas sivas measta 17 000 ru. Čájálmasa vuolde Buljo čilgii prošeavtta dala dili; okta skuvlavisti lea huksema vuolde ja mii dáidá leahkit garvves huksejuvvon njukčamánnui 2011.

Skábmačuovggas fas boahtte jagi

Go Skábmačuovggas liikostuvvui nu bures maiddái dán jagi, de jo geahččagoahtit boahtte skábmii, danin go de dáidá Skábmačuovggas IV šaddát duohtan.

Egil Keskitalo ja lávlunjoavku

Dimitri joavku