Stainnak, maskelaging“Viesu iežas” ja guhka neaktán Beaivváš neavttárat, Egil Keskitalo, Áilloš ja Svein B. Olsen, leat oaidnimis Stáinnak čájálmasas guovvamánu 10. B. rájes (Áiloža oaidnitge duo olgešbealde hámabargguid siste). Muhto soames ođđa ja measta-ođđa olbmot leat maid mielde dal ceggegoahtime dán Marry Áillonieidda Somby čájálmasa; nuorra nisu, Sarakka Gaup, gii dá gieskat debuterii Beaivvážis Gollegiella čájálmasas, lea dal nuppes neaktime Sámi Našunálateáhteris. Ja nubbi gii lea binnáš boarráseappo ja eanet hárjánan neavttár, Leammuid Biret Ravdna, ii ge leat nu dávjá Beaivvážis oidnome, muhto lea doaibman freelancar neavttárin/dánsejeaddjin guhka (son lea gal ovdal leamaš dáppe duos dasa).

Bagadalli lea fas ruoŧalaš Victoria Kahn, son ii gal ge leat aittoálgi ja lea gea maid ovdal finadan Beaivvážis bagadallamin. Dát gii duođai lea Beaivváš debutanta lea bivttas- ja lávdehábmejeaddji, maiddái ruoŧalaš, Sara Kander. Ja son gii Kandera hábmejuvvon biktasiid lea vadjame ja goarrume, lea Beaivvážis vuohččan, Ann Majbritt Eriksen (gaskkaboddosaddját barggus Beaivvážis) (buot bajábeal namuhuvvon olbmuid oainnat govas dás vuolábealde, govaid maid sáhtát deaddilit ja de ilbmá prentenheivehuvvon govva – jus geavahat gova, de galgá govvačujuhus: “Mienna/Beaivváš” čuovvut gova – buot govat dán siiddus dán seamma).

Stainnak Stainnak
 Sarakka Gaup    Leammuid Biret Ravdna
   
Stainnak   Stainnak
Áilloš 
  Egil Keskitalo
   
Stainnak Stainnak
Svein Birger Olsen 
  Victoria Kahn
   
Stainnak IMG_3647_2500_AnnMB_Eriksen
Sara Kander 
  Ann Majbritt Eriksen

Muđui lea dovddus musihkar ja komponista Roger Ludvigsen ráhkadišgoahtime musihka čájálmassii. Beaivváža iežas čuovgačeahppi Bernt Morten Bongo lea maid geavvan Stáinnahasan, son hábme čuovgga.

Dát mielde duohtandahkagoahtime dán bearáščájálmasa, mii vurdojuvvo leahkit somá ja unnimusaide, maiddái binnáš issoras, mas lea olu ja ođđa musihkka gullamis ja máŋga erenoamáš ja miellagiddevaš biktasat oaidnimis (listtu ođasmahttojuvvo dađistaga):

Čálli: Marry Áilonieida Somby
Bagadalli: Victoria Kahn
Lávde- ja bivttáshábmen, hápmaráhkadeaddji: Sara Kander
Šuokŋadahkki: Roger Ludvigsen
Čuovgahábmen: Bernt Morten Bongo
Neavttárat: Egil Keskitalo, Leammuid Biret Rávdna, Áilloš, Sarakka Gaup, Svein B. Olsen
Goarru: Ann Majbritt Eriksen
Cavgileaddji: Mary Sarre
Svein Egil Oskal, Morten Sara, Bernt Morten Bongo ja Gerlinde Thiessen lea mátketeknihkkarat.
Plakáhta ja prográmma lea David Nord doaimmaheamen.
Buvttadeaddji lea Leif Issat Nilut.
Giehtačálus bargu Britt Inga Vars.
Muohtovuoidi Henriette Lille.
Goarru ja lávdedávvirháhkki Gerlinde Thiessen.

Kostyme Stainnak, tegningDá lea Stáinnak:

Ulddaid boazu Stáinnak šaddá dáhpedorpmis olbmuid ja elliid máilbmái, ja álgá guohtut boasttu sajes ja boasttu áiggis. Stáinnak deaivvada Rohttupolitiijain gii bidjá Stáinnaha butkái. Alit ja Ruksesoambealášguovttos geat leabba Stáinnaha buoremus ustibat áiggošeigga veahkehit su, juoga mii ii leat nu álki. Gájudettiin gávnnadeaba Alit ja Ruksesoambealaža guovttos sihke siivus ja bahás  karakteraiguin. Soai beassaba maid gullat ahte muhtiinat leat álgán huksegoahtit atomarusttegiid ja vel vearrábut áššiid. Ulddaguovttos šaddá dramáhtalaš mátki sihke albma máilmmis ja eatnanvuolážiid  máilmmis. Ja mihttomearri  lea gádjut Stáinnaha, muhto Rohttupolitiija ja Jurratruolla gal eaba liiko dasa (govva dás gurutbealde lea Ruksesoambeali bivttásevttohus maid bivttashábmejeaddji Sara Kander lea tevdnen).

Áigi: Sulli 45 min

Vuosttáščájálmas: Guovvamánu 10. b. 2012

Loga eanet čálli birra, Marry Áilonieida Somby ja čájálmasa duogaža birra, čájálmas mii lei dalle lei čállon dohkáteáhterii.

Ruksesoambealli oidno duo bajabealde – geahča čájálmasa eará karakteraid tevdnegiid

Mátki:

Guovdageaidnu 10.2., Hetta (Enodat) 14.2., Kárášjohka 16.2., Leavdnja 18.2., Vuonnabahta 22.2., Deatnu 23.2., Ohcejohka 25.2., Anár 26.2., Johkamohki 1.3., Giron 3.3., Gárasávvon 4.3., Áltá 6.3., Ájluokta 9.3., Skánit 12.3., Romsa 13.3. ja 14.3., Olmmáivággi 15.3., Guovdageaidnu 26.3. ja de loahppa mátki Guovdageainnus beassažiid 5.4., 6.4. ja 8.4.