#metoo riikkaidgaskasaš áŋggirdeami olis leat lagabui 600 norgga neavttára – sihke luođubargit ja eará bargit, vuolláičállán nammalistu eastadit seksuálalaš loavkašuhttima iežaset bargosajiin. Suorggahahtti fearánat leat muitaluvvon #Stilleforopptak fáddágilkora oktavuođas ja dađistaga leat gurgásan sullasaččat eará surggiin norgga bargosajiin. Seksuálalaš loavkašuhttin lea servodatváttisvuohtan.
Sotnabeaivvi 10.12. rahpá Nationaltheatret váldolávddi #Stilleforopptak čalmmustahttima. Dat lágiduvvo ovttas daiguin eará norgga teáhteriiguin, mat dakko bokte čalmmustahttet iežaset doarjaga nammalistui ja ollislaččat #metoo kampánjii.
Teáhterat miehtá riika oasálastet dása mat lea norgga neavttáriid fearánat, musihkalaš ovdanbuktimat ja sáhkavuorut iešguđet servvodataktevrrain.
Dáinna lágidemiin áiggoše teáhterat ja nissonolbmot #Stilleforopptak čalmmustahttima fuomášuhttit seksuálalaš loavkašuhttima servodatváttisvuohtan. Maid sáhttit mii ovttaskasolbmot ja servodat bargat dáinna struktuvrralaš váttisvuođain – iešguđet surggiin ja muđui servodagas?
#Stilleforopptak kampánja ja oassi neavttáriid seksuálalaš loavkašuhttima ja fápmoboasttugeavaheami fearániin almmuhuvvui Aftenpostenis ja daid sáhttá lohkat dáppe: https://www.aftenposten.no/kultur/i/0wPRg/stilleforopptak-590-norske-kvinnelige-skuespillere-tar-et-oppgjor-med-ukulturen-i-norsk-TV_-film-og-teater
Bileahta sáhtát dáppe oastit: www.nationaltheatret.no