Trine ja ráđđehus – Giitu. Eat goassege ovdal leat ná movttáskan. Ii goassege ovdal leat loahpalaš ja formálalaš mearrádus leamaš ná lahka. Beaivvážis vuostáiváldit 2020’i stádabušeahta ávuin.

Govven: Aslak Mikal Mienna
Ea. ea. teáhterhoavda Rolf Degerlund og kulturministtar Trine Skei Grande ja earát.

“Mii leat vuovdnát ja duhtavaččat. Viimmat lea Ráđđehus váikkuhan midjiide maid iežamet teáhtervisti. Odne mii beassat giitit kulturministara Trine Schei Grande go son lea vuosttaš Norgga kulturministtarin guhte duođalaččat lea čorgen eret eastagiid vai midjiide viimmat šaddá teáhtervisti”, lohka Sámi Našunálateáhtera Beaivváža teáhterhoavda Rolf Degerlund.

Bargan badjel 30 jagi teáhtervistiáššiin

Eambbo go 30 jagi leat mii viggan oččodit iežamet teáhtervisti Guovdageidnui. Dat lea leamaš oba váttis ja moalkás geaidnu, muhto dál lea sihke Kulturdepartemeantta hálddahus ja stádaráđđi duohtandahkan dan. Stádabušeahtas nannejit ahte plána gárvána  dán dálvvi ja loahpalaš mearrádus Stuoradikkis meannuduvvo juo reviderejuvvon našuvnnalašbušeahtas 2020’i giđa.

Oktasašvisti Sámi joatkkaskuvllain

“Min ipmárdusa mielde lea dát čielgaseamos julggaštus maid muhtin Ráđđehus sáhttá addit. Dán čavčča mielde áigut loahpahit plánenbargguid ja doallat gulahallančoahkkimiid našuvnna eiseválddiiguin. Mii doaivut oažžut loahpalaš mearrádusa dán áššis giđabeallái 2020’s”, lohka Degerlund. Ráđđehus mearridii 2018’s ahte Beaivváža ja Sámi joatkka- ja boazodoalloskuvlla oktasašvistti galgá vuođđun dasa ahte plánegoahtit ođđa vistti. Statsbygg lea ožžon gohččuma Oahppodepartemeanttas ja Kulturdepartemeanttas čielggadišgoahtit oktasašvistti plánaid. “Dát oktasašvisteplánat lea vuoiggalaččat, ja dagaha ahte goappaš ásahusat olaheaba áigumušáiddis, ja velá oažžut ovdamuniid diekkár searvedoaluin. Min áigumuš ja doaivva lea ahte vistti rahppo loahpas 2024’s”, lohka Degerlund.

Jan Öqvist, Rolf Degerlund, Svein Egil Oskal, Roger Ludvigsen, Andreas Ausland, Ole Thomas Hætta, Hilde Skancke Pedersen, Bernt Morten Bongo – Guohpabáidnon buvttadusálgu (govven: Aslak Mikal Mienna)

Bearráigeahččandoaimmahus lea máŋgii áigon steŋget Beaivváža dáláš bargolanjaid. Vaikke vel lea leamaš heitot bargobiras, de lea teáhter aŋkke maŋemuš jagiid olahan nana dáiddalaš ovdáneami ja ožžon máŋga bálkkašumi, lea lasihan čájálmasaid, ja ožžon eambbo gehččiid ja beroštumi medias.

“Mii áigut ain bajidit iežamet 2024’i vistterahpama guvlui, ja dan maŋŋel joatkit lihkostumiiguin”, lohka Degerlund.

Loga maid dáid áššeguoskki áššiid beaivvas.no:

23.06.2018 – Ráđđehus mearridii ođđa visti

07.03.2018 – Kulturministarii lei mávssolaš deaivvadit teátherin

19.10.2016 – Stivra čilge Kulturministarii kritihkalaš bargodili birra teáhteris

02.05.2016 – Guohpabáidnon buvttadusálgu

Ea. ea. teáhtera stivrrajođiheaddji Lene Hansen, kunnskaps- og integreringsminister Jan Tore Sanner, kulturminister Trine Skei Grande og kommunal- og moderniseringsminister Monica Mæland, Sámidikki ovddasteaddjit (govven Máhttodepartemeanta/Foto Kunnskapsdepartementet)