Statsbygg almmuhii ahte Econor AS lea válljejuvvon hukset Sámi našunálateahterii ja Sámi joatkkaskuvllii ođđa teáhter- ja skuvlavistii. Teáhtera stivrajođiheaddji ja teáhterhoavdá illudeaba.

Adkomst Teater med mulig adkomst fra forplass. Illustrasjon: Econor med Snøhetta Oslo AS og 70°N arkitektur, Tromsø

Dál oaidnit čuovggaid viesus, lohka Sámi Našunálateáhtera hoavda Rolf Degerlund duhtavaččat go Statsbygg almmuhii teáhter- ja skuvlavistii birra mii galgá huksejuvvot Guovdageidnui. Ikte almmuhii Statsbygg ahte Econor AS oažžu fálaldaga hukset ođđa teáhter- ja skuvlavistii. Maŋŋel gilvvu lei Romssa fitnodat Econor AS mii válljejuvvui váldohuksejeaddjin, ja sis leat fárus arkiteaktafitnodagat Snøhetta AS, Oslos ja 70°N arkitektur, Romssas. Sámi Našunálateáhter Beaivváš lea hui duhtavaš bargguin dán rádjái. – Lea leamaš hirbmat buorre ovttasbargu Sámi joatkkaskuvllain ja boazodoalloskuvllain ja Statsbyggain olles proseassas, lohka teáhterhoavda Degerlund, gii illuda bargat viidáset duohtandahkat vistii Sámi Našunálateáhterii ja Sámi joatkkaskuvlii ja boazodoalloskuvlii.


Badjel 20 jagi lea Sámi Našunálateáhter bargan iežas teáhtervistti háhkamiin, ja lea máŋgii beahtahallan, muhto odne mii illudit go moatti jagi geahčen lea mis iežamet, ja ođđaáigásaš, sámi našunálalávdi! – Viimmat oažžu sámi lávdedáidda boahtte áiggi ámadeaju, lohka teáhterhoavda Rolf Degerlund.

Na čállá Statsbygg ieš dán ášši birra

Stuora beaivi sámi teáhterii!

Dát lea stuora beaivi sihke Beaivvážii ja sámi teáhterii! Ii leat dušše fiinna teáhtervistti, muhto vuoiti
lea maid nagodan čalmmustahttit mii sámi arkitektuvra sáhttá leat. Visttis dovdo sámi
huksenárbevierru praktihkalaš čovdosiiguin, ovdalii go symbolalaččat ja estetihkalaččat. Dát šaddá
boahtteáiggi visti, lea duođaštus garra bargui ja lea niehku mii ollašuvvá, lohka stivrajođiheaddji
Maria Utsi.

Maria Utsi

I terrenget Bygningen skal tilpasse seg landskapets naturlige former. Illustrasjon: Econor med Snøhetta Oslo AS og 70°N arkitektur, Tromsø