Teáhter lei plánen Guovžža vuoššat čájálmassii stuora čájálmasmátki dál dálvet, mas galggai leat álgočájálmas Oslos ja galggai johttit viidát davvin. Dál lea diet plána šluhttejuvvon covid-19 sivas, muhto dan sadjái lea mearriduvvon ahte Guovžža vuoššat čájálmas čájehuvvo olgun ja álgočájálmas lea guovvamánu 26. beaivvi, Guovdageainnus.
Teáhter lei plánen Guovžža vuoššat čájálmassii stuora čájálmasmátki, galge sihke rabas- ja skuvlačájálmasat. Álgočájálmas lei plánejuvvon Oslos, Sámi álbmotbeaivve boahtte jagi. Ja de galggai das maŋŋel johttit viidát davvin, gitta maŋŋel beassážiidda. Muhto, de lea nu ahte teáhter lea dal válljen dien plána heaittihit jo dal buori áiggis, go coranadávda addá nu olu eahpesihkkarvuođaid, vuosttažettiin dearvvašvuođa dillái, bállu lea dieđusge ahte bargiide njoammuduvvo corona, muhto maid ahte teáhter njoammuda dávdda gehččiide ja earáide mátkkošteamideddiin.
Olgočájálmas feara gos
Dán sadjái lea teáhter dal mearridan čájehit čájálmasa olgun, olgočájálmassan, muohttagis, ja eanet báikkálaččat. Álgočájálmas lea sirdon guovvamánu 6. beaivvis guovvamánu 26. beaivái, ja čájehuvvo Guovdageainnu gilišilljus. Čájehuvvo maiddái eará báikkiin sámis, Norgga beale, na lea čájálmasráidu:
- Guovdageainnus 26.2. ja 27.2.
- Kárášjogas 5.3. ja 6.3.
- Áltás 12.3. ja 13.3.
- Deanus 19.3. ja 20.3.
- (ja Romssas 26.3. ja 27.3, ii vel 100%)