Badjelaš guokte jagi maŋŋel go vuohččan čájehuvvui, lea “Johan Turi” čájálmasas ođđa vuosttaščájálmas, ja dat dáhpáhuvvá Duiskkas, Frankfurt gávpogis lávvordaga golggotmánu 12. 2019.
Badjelaš guokte jagi maŋŋel go vuohččan čájehuvvui, lea “Johan Turi” čájálmasas ođđa vuosttaščájálmas, ja dat dáhpáhuvvá Duiskkas, Frankfurt gávpogis lávvordaga golggotmánu 12. 2019. Lea Museum angewandet kunst mii lágida čájálmasa mii lea oassin House of Norway nammasaš čájáhusas, ja mas sámi dáidda lea ožžon stuora saji. Sámi Našunálateáhter Beaivváš galgá čájehit Johan Turi čájálmasa Frankfurtas 24 geardde, gitta skábmamánu 9. Beaivái.
“House of Norway” čájáhus mii rahppui golggotmánu 10. beaivve lea ráhkaduvvon dan oktavuođas go Norga lea guosseriikka Frankfurta girjemeassus, Frankfurter Buchnesse, ja mii lea máilmmi stuorimus litteratuvrameassu.
“Johan Turi” bihtá čállit leaba Harald Gaski ja Gunnar Gjengset. Dás lea lohkamis Johan Turi birra, ja geat leat leamašan mielde ceggeme čájálmasa.
Frank Jørstad lea bagadalli. Lávde- ja bivttashábmejeaddji lea Even Børsum. Šuokŋadahkki lea Johan Degerlund ja Luohtedahkki lea Áilloš. Čuovgahábmejeaddji lea Øystein Heitmann. Neavttárat leat Iŋgor Ántte Áilu Gaup, Ingá Márjá Sarre ja Egil Keskitalo.
Gurutbealde dás, teáhterhoavda Rolf Degerlund gii maiddái lei vuosttaščájálmasas Duiskkas.